Unge Kvernbit sikra viktig bortesiger mot Askøy 2

Kvernbit synte både karakter og kvalitet då laget tok årets første bortesiger med 2–1 mot Askøy 2. Sigeren kom etter ein solid laginnsats, der eit ungt mannskap viste at dei både kan stå imot press og avgjere når sjansane byr seg. Berre tre spelarar i startellevaren var eldre enn 21 år, men det unge Kvernbit-laget leverte ei moden og gjennomført prestasjon.

Kampen starta forsiktig, og første omgang vart ein stillingskrig utan dei store sjansane. Kvernbit forsvarte seg godt og stod solid i struktur, men det vart lite å notere framfor mål. Til pause stod det 0–0.

Etter kvilen fekk kampen meir fart. I det 56. minuttet skapte Andreas Sandvik problem for Askøy-forsvaret og fann Joachim Hopsdal, som sette ballen sikkert i mål til 1–0 for Kvernbit. Gleda vart kortvarig, då Askøy 2 svara med ei utligning kort tid etterpå.

Kampen såg ut til å gå mot poengdeling, men åtte minutt før slutt viste Kvernbit kvalitet i angrep. Kasper Hamn spela ein presis ball i bakrom til Sandvik, som kontant sette inn 2–1 åleine med keeper. Dermed vart Sandvik både målscorar og servitør i oppgjeret – og den store spelaren på bana.

I tillegg til dei elleve som starta, kom også Christoffer Husebø, Mads Takvam, Sjur-Markus Grindheim og Marius Larsen inn og bidrog sterkt i sluttfasen. Friske bein og god innsats sørgde for at Kvernbit heldt stand og drog i land sigeren.

Med denne trepoengaren held Kvernbit fram med å klatre nærare laga over seg på tabellen, samstundes som laget skaffar seg ei luke ned til Askøy 2 som framleis ligg sist. Sigeren gjev både sjølvtillit og optimisme framfor neste oppgjer.

Allereie i neste runde ventar eit sterkt Flaktveit-lag på heimebane. Kampstart er fredag 12. september klokka 19:30 på Fossemyrane.

Fotballhallen er eit viktig samlingspunkt for både spelarar, trenarar, foreldre og frivillige gjennom heile veka. Her følgjer viktig informasjon om rydding i fotballhallen!

RYDDIG FOTBALLHALL:&nbsp;Birthe Ann Larsen og Sigrid Aalen Jacobsen triksar i fotballhallen. Foto: Ruben Soltvedt.

Fotballhallen er eit viktig samlingspunkt for både spelarar,
trenarar, foreldre og frivillige gjennom heile veka. Her trenar vi, spelar
kampar, heiar på kvarandre og byggjer lagånd. For at alle skal få ei god
oppleving i hallen, er det viktig at vi saman tek ansvar for å halde hallen
rein og ryddig. 

Kvifor er det viktig å halde hallen ryddig? 

Ein ryddig hall gir eit betre miljø for både aktivitet og
trivsel. Boss på tribunar, i garderobar eller rundt banen skapar ikkje berre
eit dårleg inntrykk – det kan også vere til hinder for aktivitet, og er potensielt
farleg. Når alle gjer sitt for å rydde etter seg, slepp vi å bruke unødvendige
ressursar på ekstra reinhald. Vi ønskjer at alle lag og besøkande skal kjenne
ansvar for å ta med seg eigne ting, kaste boss i bossbøtter og sjå etter at
garderobar og tribunar er reine når ein forlèt hallen. 

Alle bør ta mål av seg å forlate fotballhallen meir ryddig enn før du kom. Saman skapar vi eit trivelegare miljø!

For å sikre at hallen vert grundig rydda kvar veke, innfører
vi no ei fast dugnadsordning: Det laget som har kioskansvar i Meland Aktiv ei veke, har også
ansvar for rydding av hallen søndag mellom kl. 15.00 og 18.00.

Søndagsrutinar – rydding av fotballhall

Fotballhallen vart opna i 2019, og er svært populær og mykje brukt.&nbsp;

Hald fotballhallen rein – eit felles ansvar 

Påmelding opnar&nbsp;måndag 8. september kl. 12:00.

IL Kvernbit vil i år arrangere TINE Fotballskule i haustferien, veke 41, frå måndag 6. oktober til torsdag 9. oktober. Fotballskulen er for gutar og jenter i 2.-7. klasse (f.2013-2018).

Fotballskulen kostar kr. 700. Vi tilbyr 50 % søskenmoderasjon. 

Påmeldinga opnar måndag 8. september kl. 12:00.&nbsp;Påmeldingsfrist er torsdag 2. oktober ved midnatt.

Vi oppmodar alle til&nbsp;å ete frukost før ankomst. Lunsj blir servert. Alle deltakarar får fotball, t-skjorte, drikkeflaske og sekk frå TINE. Sportsleg ansvar har Eirik Hopland Larsen og Oliver Sudmann.

11.30: Lunsj (inkl. Litago sjokolademjølk frå TINE).

Hugs drikkeflaske, leggskinn og klede etter vêret.

IL Kvernbit har oppretta eit fond som skal sikre at medlemmar med anstrengt økonomi får moglegheit til å vere med på aktivitetar i regi av idrettslaget. Medlemmane kan søke om støtte til påmeldingsavgift eller utstyr til bruk på fotballskulen. Du kan sende ein kortfatta søknad til&nbsp;<a href="mailto:trond.egil@kvernbit.no">trond.egil@kvernbit.no</a>. Alle søknadar blir behandla konfidensielt.

TINE Fotballskule i haustferien

I samband med oppstart av ny årgang (2019), blir det nokre endringar i treningstidene.

Dei nye treningstidene gjeld frå måndag 8. september.

Ta godt vare på banane, og ver venleg å rydd etter kvar trening. Set mål på plass og samle inn ballar og anna utstyr, og plasser der dette høyrer til. Pass på at alle får med seg tøy og andre eigedelar. Det skal alltid vere litt ryddigare i fotballhallen når du forlèt den enn då du kom. Tusen takk!

Offisielle kampar blir alltid prioritert føre treningar.

Det er viktig at alle kampar og all bruk av banen avtalast med Trond Egil, på e-post: <a href="mailto:trond.egil@kvernbit.no">trond.egil@kvernbit.no</a>.

Nye treningstider for hausten

Første trening onsdag kl. 17:15 i fotballhallen.

IL Kvernbit ønsker alle som skal begynne i førsteklasse velkommen til fotballtrening hos oss.

Førre veke hadde vi eit informasjonsmøte for foreldre, der klubben gav informasjon om treningsforhold, treningstider og kva tilbodet inneber for førsteklassingane.

Treningstid er onsdagar kl. 17:15. Første trening er onsdag 10. september.

Aktiviteten i Kvernbit er dugnadsbasert. Ønsker du å bidra i støtteapparatet, ta kontakt allereie i dag på&nbsp;<a href="mailto:fotball@kvernbit.no">fotball@kvernbit.no</a>! Vi treng trenarar, lagleiarar og foreldrekontaktar. Vi oppmodar både kvinner og menn,&nbsp;spesielt kvinner, frå Grasdal og Sagstad skulekrinsar til å melde seg som trenar. Kvernbit ønsker å bygge opp&nbsp;<a href="https://www.kvernbit.no/news-article/A980A73401E64D40B906ACC426E1FEEF">eit sterkt miljø for kvinnelege trenarar</a>.

For å bli trenar i Kvernbit treng du ingen forkunnskapar. Du vil få god kursing og rettleiing, og mykje god kvalitetstid.

Som ein del av fotballfamilien blir du i tillegg ein del av eit sterkt fellesskap. Du utvider det sosiale nettverket ditt og får ny kompetanse og kunnskap. Bli med på laget, du òg!

Første fotballtrening for 2019-kullet

Det vart både festfotball og nervepirrande sluttminutt då Kvernbit tok imot Sund til seriekamp onsdag 20. august. Heimelaget vann til slutt 2–1 etter ein kamp som bød på alt frå perlemål til raudt kort og intenst sluttpress.&nbsp;Foto: Inge Instebø.

Kvernbit kom best i gang framfor eigne supportarar, og allereie tidleg i kampen fekk dei betalt for det gode opningsspelet. Joachim Hopsdal stanga inn 1–0 med ein presis heading etter eit godt slått innlegg frå Ruben Sellevold.

Midtvegs i første omgang var det nettopp Sellevold som stod for kveldens høgdepunkt. Med først ein tunnel og deretter eit praktfullt skot sende han ballen i nettet til 2–0 – eit mål som fort kan bli kandidat til årets scoring.

Sund fekk det endå vanskelegare då dei vart reduserte til ti mann etter ein utvisning i det 35. minuttet. Kvernbit skapte fleire sjansar før pause og kunne fort ha leia både 3–0 og 4–0, men laga gjekk til kvilen på stillinga 2–0.

Etter pause kom Sund meir med, og kampen tok ei dramatisk vending då gjestane vart tildelt straffespark. Den vart sikkert sett i mål til 2–1, og sjølv med ein mann mindre la Sund eit massivt press på Kvernbit i store delar av andre omgang.

Kvernbit måtte verkeleg krige for poenga, og bakerst stod keeper Gard Tolleshaug fram som ein matchvinnar med fleire avgjerande involveringar. Til slutt kunne heimelaget sleppe jubelen laus etter ein sterk 2–1-siger.

Med ein strålande førsteomgang og ein heroisk innsats i eiga boks etter pause, tok Kvernbit ein fortent siger og sikra haustens første trepoengar.

Kvernbit sigra 2–1 etter dramatisk kamp mot Sund

Det er berre kort tid igjen før årets&nbsp;Kvernbit&nbsp;cup&nbsp;brakar laus. Les årets&nbsp;<a target="_blank" href="https://online.fliphtml5.com/fzdrv/vcbx/#p=1">programblad</a>&nbsp;med viktig informasjon før ankomst.

Del gjerne informasjonen med foreldre på laget.

Vi set stor pris på om alle lag legg inn namn på spelarar før ankomst.

Velkommen til Kvernbit cup!

Kvernbit sitt A-herrar kasta seg inn i duellane, sprang til krampa nesten tok dei og skapte sjansar nok til å snu kampen – men måtte likevel reise tomhendte heim etter 3–0 mot NBK på&nbsp;Knarvik Stadion.

Foto: Nordhordland Avis av Ole Jacob Riise Strønen.

Frå første spark på ballen var det kriging over heile banen. Første omgang var tett, tøff og full av duellar, der Kvernbit for det meste forsvarte sitt eige mål. Heimelaget fekk hól på byllen etter 20 minutt, då NBK scora på ein corner. Resten av omgangen forsvarte Kvernbit seg heroisk, og laget gjekk til pause vel vitande om at kampen framleis levde.

Optimismen vart teken med inn i garderoben, og spelarane kom ut med trua på poeng. Men berre seks minutt ut i andre omgang – i det 51. minutt – steig ein NBK-spelar opp og dobla leiinga på nok ein corner. Ein blytung start, men på ingen måte slutten.

Kvernbit nekta å gje seg. Dei flytta laget høgare i bana, jaga mål og skapte sjansar som fort kunne ha gitt ny spenning i kampen. Fleire gonger var dei berre små marginar unna å setje inn reduseringa som ville tent håpet.

Mot slutten vart romma bak større i jakta på scoring, og i det 90. minutt nytta NBK dette og kontra inn 3–0. Eit flatterande resultat, sett med Kvernbit-auge, etter ein kamp der innsatsen og lagmoralen fortente betre betalt.

Kampen markerer starten på ein ny epoke for Kvernbit, med trenarteamet Steve Elde, Inge Instebø, Bent-Inge Sellevold, Geir Atle Osa og Eirik Sagstad på plass. Dei fekk sjå eit lag som aldri slutta å kjempe, som bar klubbens fargar med stoltheit og som med same innsats vil kunne snu pila alt neste veke.

For no ventar Sund på Fossemyrane onsdag 20. august. Der skal Kvernbit springe ut framfor eigne supporterar, med fornya energi og tru på at innsatsen denne gongen blir løna med mål – og poeng.

Heroisk innsats – men marginane mot Kvernbit i Knarvik

Påmelding åpner lørdag 23.08.2025 klokken 12:00 

Endeleg er påmelding til haustens turntreningar klar. Lørdag kl. 12:00 er det førstemann til mølla. Venteliste blir oppretta automatisk når dei ledige plassane er fylt opp.

<a href="https://club.spond.com/landing/courses/kvernbit/E87AA986B8FE421A96FBFED863438F03/main_products">Meld deg på her</a>.

Kvernbit tilbyr turn for ulike aldersgrupper.

Turn for gutar og jenter frå 2. til og med 4. klasse. Denne aldersgruppa er i ”den motoriske gullalder”, då barn tileignar seg ferdigheiter lettast. Barna har stor treningslyst og lærer lett det dei ser. Vi trener på tradisjonelle turn- og gymnastikkøvingar, som fiksering/stabilisering (spenne/stramme mage- og ryggmusklar), balanse og spenst. Det er også leikar og mykje moro. Vi ønsker å skape eit trygt, utfordrande og variert miljø, slik at barna får allsidig bevegelseserfaring.Vi har hausten 2025 berre eitt parti for denne aldersgruppa i Meland Aktiv. Om du vil vere med og starte eit nytt parti på Vestbygd, ta kontakt på&nbsp;<a href="mailto:turn@kvernbit.no">turn@kvernbit.no</a>.

Turn for gutar og jenter frå 5. klasse til 7. klasse. Vi jobbar vidare med Idrettens Grunnstige og SALTO. SALTO står for Sosialt, Allsidig, Lek, Turn og Oppvisning. Vi øver på grunnmoment og seriar på Tumbling/Air-Track og vi vil bruke trampetten.

Turn for gutar og jenter frå 8. klasse (12-13 år) og opptil 18 år. Vi jobbar vidare med Idrettens Grunnstige og SALTO. Vi øver på grunnmoment og seriar på Tumbling/Air-Track og vi vil bruke trampetten.

Treningar og arbeidet i turngruppa for å skape dette tilbodet for barn, gjerast på frivillig basis. Vi har behov for fleire trenere og fleire i turnstyret. Barn av foreldre som stiller til verv som trenere og i turnstyret vil derfor bli prioritert ved påmelding. Ta kontakt på&nbsp;<a href="mailto:turn@kvernbit.no">turn@kvernbit.no</a>&nbsp;om dette er av interesse.

Vil du begynne med turn?

Informasjonsmøte for førsteklasseforeldre onsdag 3. september 2025.

Vi startar med eit informasjonsmøte for foreldre&nbsp;onsdag 3. september kl. 17.30&nbsp;i kultursalen i Meland Aktiv.

Det er viktig at alle som har barn som ønsker å vere med, stiller på dette møtet. Her får de informasjon om treningsforhold, treningstider og kva tilbodet inneber for førsteklassingane.

Vil du begynne med fotball?

Bent-Inge Sellevold, Steve Elde og Geir-Atle Osa tar over a-laget etter Henning Neverdal og André Pletten.

NYTT STØTTEAPPARAT: F.v.: Inge Instebø, Geir-Atle Osa, Bengt-Inge Sellevold og Eirik Sagstad. Foto: Andreas Hopland Larsen.

Lørdag møter Kvernbit NBK i Knarvik, til det andre lokaloppgjeret i årets 4. divisjon menn. Over <a href="https://www.kvernbit.no/news-article/4C7017FE4C3D454B888EBA2946B53A52">1000 frammøtte skapte folkefest</a> på sidelinja på Fossemyra i april, men det sportslege resultatet var eit frampeik mot ein tøff førstesesong på nivå fem i norsk fotball, etter det<a href="https://www.kvernbit.no/news-article/A824610D5A57473C8AA48A8F47E31F50"> historiske opprykket</a> i fjor haust.

Henning Neverdal, som har vore a-lagstrenar sidan 2024, har denne veka valt å gi stafettpinnen vidare til nye krefter. Sjølv om han fortsatt var motivert for å gå på haustsesongen, følte han at det beste for klubben vil vere å få inn nye kostar.

André Pletten held fram som trenar for G19.

Henning forslo sjølv sine etterfølgarar, som vi no er glade for at har tatt på seg oppdraget. 

Inge Instebø held fram i ei viktig rolle rundt laget, og får i tillegg med Eirik Sagstad.

ELDPRØVE: Kaptein, Andreas Hopland Larsen, måtte brøyte seg gjennom folkemassene i heimekampen mot NBK. Det nye trenarapparatet møter NBK til lokaloppgjer i sin første kamp. Foto: Rune Eknes/Ruben Soltvedt.

At første eldprøva for dei nye trenarane blir NBK er kanskje passande. 

Bent-Inge kjenner NBK godt, som tidlegare a-trenar (og på aldersbestemt nivå) i NBK i fleire periodar. Han har også ei fortid i Radøy/Manger og Åsane, som spelar.

Steve Elde&nbsp;(bilde) er trenar for G16, og har følgt dette laget heilt sidan dette kullet starta med fotball i 2016. Steve har eit par år bak seg som sportsleg leiar i klubben, og har god oversikt over kva som rører seg i ungdomsavdelinga i Kvernbit.

Med seg får dei også Geir-Atle Osa. Geir-Atle har det siste halvanna året vore trenar for Radøy FK, men gav seg i den jobben i juli i år. Bent-Inge og Geir-Atle er dessutan gamle kjenningar, og danna trenarduo i NBK alt tilbake i 2010.

Dei nye trenarane hadde si første trening med laget onsdag kveld.

Henning Neverdal vart historisk då han førte Kvernbit opp ein divisjon i fjorårssesongen. Henning kom til Kvernbit frå Lindås i 2005, og allereie året etter tok han over - saman med Robert Blom - som spelande trenar. Han var lenge ein forsvarsbauta for a-laget. Han tok del i trenartrioen som skulle gjenoppbygge a-laget i 2012, og tok over hovudansvaret etter Robert Blom før 2024-sesongen. Den enda med eit <a href="https://www.kvernbit.no/news-article/A824610D5A57473C8AA48A8F47E31F50">historisk opprykk</a> for Kvernbit.

Henning var sportsleg leiar i perioden 2008-2016, og var sentral i å skrive sportsplanen, som også dagens sportsplan bygger på.

Henning har følgt 2005- og 2007-årgangane frå seks år og heilt opp til senior, og har med det stor del av talentutviklinga i klubben som har skjedd dei siste åra.

Kvernbit takkar Henning for innsatsen, og håpar på eit fortsatt sterkt engasjement for klubben.

OPPRYKK: Henning Neverdal, Inge Instebø og André Pletten førte a-laget til eit historisk opprykk i 2024. FOTO: Erlend Nordland Kristiansen/Strilen.

Trenarbytte før lokaloppgjer

Kvernbit har i vårsesongen enda på førsteplass på øvste nivået som er i juniorfotballen på både jenter 19 og gutar 19.&nbsp;Klubben gratulerer til alle involverte spelarar og trenarar! 

På Fossemyra jobbar vi målretta kvar dag med visjonen lengst mogeleg - flest mogeleg - best mogeleg. Kvernbit er i år einaste klubben med to J19-lag i J19-serien. Klubben er og eitt av få lag i Hordaland som har tre juniorlag i G19-serien. Kjekt å sjå at målretta arbeid av flinke trenarar og spelarar lønner seg. Det gror godt i Kvernbit på både jente- og gutesida!&nbsp;

Gutar 19 gjekk ubesigra gjennom vårsesongen, og enda med heile sju sigrar, tre uavgjort og null tap.&nbsp;

Jenter 19 fekk heile seks sigrar, éin uavgjort og eitt tap.

Til hausten ventar, i år som i fjor, interkretsserie for gutane, der dei beste juniorlaga frå Hordaland og Rogaland barkar saman. Dette vert spennande å følge til hausten.

Nede fra venstre: Benjamin, Ariel, Ulrik, Sjur-Markus, Hans Fredrik, Magnus og Eirik.

Øvst fra venstre: Marius, Jakob, Gard, Mathias, Adrian, Oliver, Jesper og Endre.

Klubben rettar stor takk til trenarteamet for gutar 19: Andre Pletten, Eirik Bremerthun, Kim Samuelsen, Per Asle Køhne og Davy Espetvedt.

Nede fra venstre: Sara (Keeper), Nora, Anna Isabell, Mathea, Eira, Mia og Hannah.

Øvst fra venstre: David (Hovedtrener), Silje, Malene, Jenny, Andrea, Annalisa, Kristina og Sofie.

Klubben rettar stor takk til trenarteamet for jenter: David Soltveit, Ove Henriksen og Tore Andre Fosse.

J14 og G13 har også vunne sin divisjon. Klubben gratulerer!

IL Kvernbit suveren i 19-årsklassane

Fotballhallen vert stengt mellom 30. juni og 4. august.&nbsp;

Alle er velkomne til å bruke kunstgrasbanane utandørs gjennom heile sommaren.&nbsp;

Kvernbit deltar på fleire turneringar i sommar. Følg med for oppdateringar i Kvernbit sine sosiale medium - og bidra gjerne sjølv på heiagjeng-sida <a href="https://www.facebook.com/groups/1702013043431532">Kvernbit fan</a>.

Fotballhallen stengt i sommar

Kvernbit skal vise seg frå sin beste side på tur i sommar. Lykke til på cup!

Kvernbit har i lang tid hatt søkelys på at vi skal vere ein klubb i forkant når det gjeld fair play. Derfor blei vi i 2021 kåra til årets Fair play-klubb i Hordaland, og vi har i fleire år vore sertifisert som fair play-klubb.

Fair play handlar&nbsp;om det som skjer på og utanfor banen, og er norma som skal prege aktiviteten vår på alle nivå. Dette inneber at vi respekterer og følgjer gjeldande regelverk, retningsliner og verdisett. Fotballarenaen er ein arena der vi skal ha respekt for alle menneske og forsterke fellesskapen. Fotballkampar skal gå føre seg i trygge rammer slik at alle får gode opplevingar. Fair play skal synleggjere korleis fotballen tar ein oppdragande rolle overfor barn og ungdom, og er grunnlaget for vårt omdømme og våre handlingar.

Fair Play&nbsp;er meir enn oppteljing av gule og røde kort etter endt cup.

Fair Play&nbsp;handlar om korleis vi oppfører oss mot kvarandre, både på og utanfor banen! Som føresatt, publikum, spelar, trenar og leiar har vi alle eit ansvar.&nbsp;Hugs at alle som er med på cup – både som spelar, trenar og føresett – blir sett på som Kvernbit sine representantar på turneringa.

Spelarar skal handhelse både før og etter kamp – eit uttrykk for gjensidig respekt.

Er du tilskodar på kamp? Ta ansvaret og tenk over følgande:

Sommarcup er årets høgdepunkt i sesongen, og IL Kvernbit ønsker trivsel og fellesskap i høgsetet når vi reiser på cup. Klubben har utarbeidd følgande retningsliner for speletid under sommarcup (Sør Cup og Dana Cup) for ungdomslaga:

Vi tar avstand frå mobbing, både i og utanfor fotballmiljøa. Fotballen skal vere ein positiv og trivselsfremjande aktivitet for alle.

Fargerik Fotball – mot vald og rasisme: Vi tolererer ingen form for rasisme eller vald i fotballen. Fotballen skal vere open og inkluderande for alle.

Spel fair! Vi skal saman sørge for at fotballen pregast av fair-spelande aktørar, både på og utanfor fotballbanen. Haldningane trenarar og spelarar har til medspelarar, motspelarar og ikkje minst dommarane, må bere preg av respekt og forståing i alle samanhengar.

Positiv oppførsel:&nbsp;Jeg tenker positivt om meg selv og andre.

Respekt:&nbsp;Jeg viser respekt for andre i klubben, trenere, dommere og motstandere.

Ansvar:&nbsp;Jeg tar ansvar for meg selv og andre på laget og gruppen jeg er med i.

Hensyn:&nbsp;Jeg viser hensyn, og bruker ikke doping eller andre rusmidler på arrangement i regi av klubben.

Ydmyk:&nbsp;Jeg lytter til andre og oppfører meg ikke egoistisk.

Språkbruk:&nbsp;Jeg passer på ordbruken min på og utenfor arenaen der jeg konkurrerer og trener.

Oppmuntrer:&nbsp;Jeg støtter og oppmuntrer mine trenere, ledere og kamerater,

Pålitelig:&nbsp;Jeg er en pålitelig person, som mine kamerater kan stole på.

Forbilde:&nbsp;Jeg er et godt forbilde for andre.

Vi ønsker alle trenarar, spelarar og føresette ein god tur til Voss Cup, Sør Cup og Dana Cup i sommar!

Fair play er eit samleomgrep for fotballen sitt samfunns- og verdiarbeid. Kvernbit er ein stor samfunnsaktør for barn og unge i Alver kommune, og har difor eit viktig samfunnsansvar. Vi tar dette ansvaret på alvor, og ønsker å bygge gode haldningar og verdiar i tråd med verdigrunnlaget til norsk idrett, til alle medlemmane i klubben. Klubbens verdiar og fair play skal prege all aktivitet i klubben. Gjennom arbeidet med kvalitetsklubb har vi derfor hatt stort fokus på å utarbeide eit felles verdisett som heile klubben kan stille seg bak.

Fair play i sommar

YRANDE FOLKELIV: Det var tett om plassen på Fossemyra denne magiske kvelden. Foto: Rune Eknes/Ruben Soltvedt.

Fredag kveld møttest Kvernbit og NBK i den første seriekampen i 4. divisjon. 

Det var i forkant av kampen mobilisert frå begge klubbar. NBK sendte to bussar med publikum, og mange kom med bil, sykkel eller til fots. Og med vårsol i bakkane og sydlege temperaturar, var det ein fin kveld for fotball.

Det offisielle publikumstalet var 853. Det reelle talet var langt høgare.

NBK vann kampen på banen. Kvernbit vann kampen utanfor banen.

<a href="https://www.fotball.no/fotballdata/kamp/?fiksId=8707939">Kampfakta</a>.

Sjå full biletserie frå lokalavisene, <a href="https://www.nordhordland.no/sja-bildeserie-desse-var-pa-fossemyra-pa-lokaloppgjeret/g/5-33-728398">Avisa Nordhordland</a> og <a href="https://www.strilen.no/sport/i/wgmppn/fansen-til-kvernbit-og-nbk-leverte-10-10-nbk-vann-kampen">Strilen</a>.

INNMARSJ: Kaptein, Andreas Hopland Larsen, måtte brøyte seg gjennom folkemassene. Foto: Rune Eknes/Ruben Soltvedt.

KVERNBIT ULTRAS: Elevar frå Nordhordland folkehøgskule har danna supportergrupperinga Kvernbit Ultras. Dei stod for stor stemning gjennom heile kampen. Foto: Atle Haugen.

HØGLYTTE: Kvernbit Ultras hadde med plakatar og megafon. Foto: Rune Eknes/Ruben Soltvedt.

SUPPORTERTOG: Kvernbit Ultras gjekk i samla tropp frå Frekhaug senter til Fossemyra. Foto: Atle Haugen.

KAN DU TELJE TIL TUSEN? Det offisielle tilskodartalet var 853. Men besøket var større enn som så. Kor mange finn du på dette biletet? Foto: Rune Eknes/Ruben Soltvedt.

ARRANGEMENTSSJEF: Kenneth Strand stod i spissen for publikumsarrangementet. Foto: Rune Eknes/Ruben Soltvedt.

Folkefest på Fossemyra

Endeleg seriestart! Hundrevis er venta når a-laget tar imot NBK fredag kl. 19.00.

Les deg opp om alt du treng å vite før vi serieopnar i lokaloppgjer mot NBK. Etter eit <a href="https://www.kvernbit.no/news/9481973">historisk opprykk</a>, skal Kvernbit endeleg bryne seg på fjerdedivisjonsmotstand. Fotballkretsen har gjort jobben sin, og legg opp til ein pangopning med lokalderbyet, Kvernbit-NBK.

Ifølge Strilen si oppteljing, blir det jamnt, men fordel Kvernbit. Foto: skjermdump Strilen.no. Etter at Kvernbit avslutta fjorårssesongen med over 200 bortesupporterar, har NBK lova å toppe dette. Med to innleigde bussar, er det venta mellom 200 og 400 NBK-supporterar på Fossemyra. Kvernbit må for all del ikkje vere i undertal. Det er meldt sol og sydlege temperaturar. Dette blir gøy! Parkering Vi oppmodar alle om å sykle eller gå til Fossemyra denne dagen. Det er avgrensa parkeringsmoglegheiter på Fossemyra. Følg anvising frå parkeringsvaktene. Publikum Kampen blir spelt på den største banen (lengst frå Sagstad skule). Publikum stiller seg langs veggen til fotballhallen, eller på parkeringsplassen bak mål. NBK og Kvernbit er alltid gode venner utanfor banen, og vi håpar på god sosialisering på tvers av klubbtilhøyrsle. Vi oppmodar supporterar av begge klubbar til å stille i klubbtøy, drakt, skjerf og flagg. Kampen på banen er viktig, men kampen utanfor banen er aller viktigast!

Over 200 publikummarar følgde den avgjerande opprykkskampen i haust. Foto: Kasper Valestrand/Avisa Nordhordland.

Kvernbits ivrigaste supporter vinn ein premie levert av Rema 1000 Frekhaug. Ved inngang til publikumsområdet, vil du ta imot eit lodd. Vi vil ha loddtrekking på tilfeldig publikummar, med premiar sponsa av RB trafikkskole og Sport1 Knarvik. Supportertog Bli med Nordhordland folkehøgskule i tog opp til Fossemyra. Paraden startar kl. 18.15 frå Frekhaug senter. Kiosk Kiosken er open. Det er eige telt nede ved banen. Betaling på Vipps. Toalett Toalett i fotballhallen og i Meland Aktiv.

Vi lovar godt stemning, to motiverte klubbar og lag, og god pauseunderhaldning. Ta med ungar, foreldre, tanter og onklar, og få med deg årets høgdepunkt!

Før kampen: Kvernbit - NBK

Turar som passar for liten og stor, og barnevogn! 

IL Kvernbit har i år igjen laga til turorientering på Frekhaug.

33 poster er sett ut i nærområdet rundt Frekhaug. Postane står fram til 1. november.

Barneløypa kan òg gjennomførast med barnevogn!

Kjøp kart på Esso Frekhaug eller Rema 1000 på Frekhaug. Kartet kostar kr 130, og kan betalast med VIPPS.

<a href="https://kvernbit.spoortz.no/contentcategory/948554493">Les meir om turorientering.</a>

Karta er også tilgjengeleg for kjøp hos Norges orienteringsforbund, https://www.turorientering.no, frå 1. april. eller ved å kontakte IL Kvernbit ved Truls Corneliussen, tlf. 90805010.

Alle deltakarar er med i trekninga om rause premiar.

<a href="https://kvernbit.spoortz.no/news/9482215">Sjå kven som fekk premier etter fjorårets turorientering!</a>

Turorientering går ut på å finne poster i terrenget ved hjelp av kart. Det som er fint med turorientering er at du sjølv kan:

- Velje når du vil gå - Tempoet du vil gå i - Utgangspunktet for turen - Kor mange postar du vil ta kvar gang og i kva for rekkefølge du vil ta postene - Om du vil gå ålene eller saman med andre

Turorientering gir deg evner i bruk av kart, naturopplevingar, trim og trening i naturen – når du vil og i ditt eiga tempo!

Vi ønsker alle ein god tur!

Orienteringsgruppa i IL Kvernbit blei starta i 1996 og har i dag ca. 70 medlemmar, med ei fin blanding av barn og vaksne. Sesongen varer frå april til ut september, med orienteringsløp i Nordhordland. Annankvar måndag er det løp og løyper for begynnarar og vidarekomne. I tillegg er tilbyr vi turorientering i perioden april-november. Det er mykje bra aktivitet i orienteringsgruppa. I fjor haust var det <a href="https://kvernbit.spoortz.no/news/9481070">nye sprintkartet</a> klar til bruk.

<a href="https://kvernbit.spoortz.no/contentcategory/948554491">Les meir om aktiviteten i orienteringsgruppa</a>, på <a href="https://www.kvernbit.no/orientering">www.kvernbit.no/orientering</a>.

Ønsker du å bli medlem i orienteringsgruppa, <a href="https://kvernbit.spoortz.no/org-sign-up/892">meld deg inn her</a>.

Klart for turorientering

23-26 juni på Fossmyra. Påmeldingsfrist 31.mai

IL Kvernbit fotball inviterer til Trond Mohn sommarakademi første veka i sommarferien, 23.–26. juni. Sommarakademiet er eit fotballakademi for gutar og jenter født mellom 2012 og 2018.

Trond Mohn sommarakademi er eit samarbeid mellom Kvernbit, Arna-Bjørnar og tretten andre fotballklubbar i Bergen og omland. Akademiet blir arrangert på Fossemyra.

Fire dagar med kvalitetstrening, komplett draktsett, sekk/pose, og lunsj for berre kr. 300,–. Meld deg på innan 20. april for å få utstyrspakken. 

Erik Mjelde (Arna-Bjørnar) står for det fotballfaglege innhaldet. Lokalt er det Andreas Hopland Larsen og Trond Egil Soltvedt som er ansvarleg for akademiet.

Utvikling av unge instruktørar er blitt ein viktig del av akademiet, og mange får sin første sommarjobb hos oss.

Fotballakademiet startar alle dagar kl. 10:00 og varer til 14:00.

Påmelding via <a href="https://club.spond.com/landing/courses/ailarnabj%C3%B8rnar/A1FF955B2511485791B1612692326506/main_products">Spond Club</a>: vel IL Kvernbit og meld deg på. Det er første mann til mølla. Det er ingen krav til klubbtilhøyrsle – alle kan melde seg på.

Vi har også eit inkluderingsfond det er mogleg å søke støtte til aktivitet i idrettslaget. Les meir om inkluderingsfondet.

Vi ønsker å takke Trond Mohn for eit fantastisk flott bidrag, som gir barn og ungdom moglegheit til å oppleve eit fotballfellesskap der alle kan vere med. Det har ein verdi langt utover fotballbanens grenser.

Påmelding her: <a href="https://club.spond.com/landing/courses/ailarnabj%C3%B8rnar/A1FF955B2511485791B1612692326506/main_products">Spond Club</a>

Trond Mohn sommerakademi i sommerferien

Har du innspel på kandidatar, ta kontakt med valkomiteen.

Valkomiteen til idrettslaget har sett i gong prosessen med å finne eigna kandidatar til det komande fotballstyret.

På det årlege møtet den 12. mars skal fotballgruppa velje nytt styre. Dette styret skal bestå av leiar, nestleiar og fem styremedlemmar. Deira hovudoppgåve er å legge til rette for god aktivitet i fotballgruppa.

Vi ønsker engasjerte, motiverte og dyktige kandidatar til styret. Fotballstyret bør spegle medlemsmassen vår, både på alder, aldersklassar og kjønn, for å sikre mangfald og inkludering.

Interesserte kandidatar oppmodast til å ta kontakt med valkomiteen.

Fotballgruppa søker nye medlemmar

5 og 6 april kommer Kniksen- akademiet til Fossemyra. Bli med på en lærerik helg med masse aktivitet for spillere i alderen 2010-2016.

Dyktige trenere fra Sportsklubben Brann turen til Fossemyra for å holde helgesamling for spillere i alderen 2010-2016. Samlingen varer fra 08:50- 16:20 og det bli servert lunsj. Program og priser finner du på linken under. Er ditt barn medlem i Kvernbit? Da finner du rabattert priser i spond. Påmelding: <a href="https://www.superinvite.no/#/invitation/bafd4215ef527cf0e0b2f843ce2ee763">Superinvite — SK Brann Kniksen helgesamling Kvernbit 5 - 6 April</a>

Kniksen-akademiet til Fossemyra!

Onsdag 12. mars inviterer fotballgruppa alle medlemmar til årleg møte (tidlegare omtalt som årsmøte). Møtet blir halde i Meland Aktiv og startar klokka 19.00.

Det årlege møtet er øvste vedtaksorgan i fotballgruppa i Kvernbit.

For å ha røysterett må medlemmen minimum fylle 15 år i 2025, ha vore medlem av idrettslaget i minst éin månad, og ha betalt kontingent. Medlemmar under 15 år har møte- og forslagsrett.

Alle forslag som skal handsamast på det årlege møtet av klubbens medlemmar må vere levert på klubbkontoret eller sendt i posten innan 3. mars 2025.

Innkomne saker til fotballgruppa sendast til: <a href="mailto:fotball@kvernbit.no">fotball@kvernbit.no</a> eller IL Kvernbit, Fosseskarvegen 4, 5918 FREKHAUG.

DAGSORDEN FOR ÅRLEG MØTE I FOTBALLGRUPPA:

1. Godkjenning av medlemmer med røysterett.

6. Handsame årsmeldinga til gruppa, som seinare skal godkjennast av årsmøtet i idrettslaget.

TINE Fotballskule i haustferien

Inkluderingsfond