Tysdag opnar Kvernbit sitt tradisjonelle juletresal. Kjøp årets juletre hos Kvernbit!

Håvard og Mona stod for opninga i 2025. Foto: Atle Haugen.

Vi håpar du vil sikre deg årets juletre frå oss. Inntektene går rett tilbake til barne- og ungdomsidretten i Kvernbit.

Juletrea er kortreiste - frå Hagesæter på Lindås.

I år har vi eit begrensa tal på juletre tilgjengeleg for sal. Ver difor tidleg ute med å sikre deg ditt.

Ønsker du juletre, men veit ikkje korleis du skal få det med deg? Det kan vi ordne! For kr 200 ekstra køyrer vi juletreet heim til deg. Postadresse Frekhaug.

Over 100 frivillige er i sving for å selje deg juletre. Du møter garantert ein du kjenner.

Juletresalet er ope frå tysdag 9. desember til 22. desember - eller så langt lageret rekk!

Trond Egil og gode medhjelparar har brukt dagen på å køyre på juletre og rigge opp salsområdet på Frekhaug senter. Foto: Privat.

Kjøp årets juletre hos Kvernbit

Fotballgruppa inviterer målvaktspirar frå 2014 og eldre
årgangar, til keepertrening med tidlegare verdsmeister, Reidun Seth.

Treningane vil gå i fotballhallen to måndagar før jul.

Tilbodet er ope for 12 år og eldre, men vi inkluderer
2014-årgangen allereie no før jul.

Vi vil halde fram med eit sterkt keepertilbod vidare over nyåret.

Reidun Seth er tidlegare landslagsmålvakt og har ei lang merittliste.
Forutan 71 landskampar er ho verdsmeister frå 1995, europameister frå 1993, og
har dessutan VM-sølv (1993), EM-sølv (1989 og 1991) og OL-bronse (1996), å vise
til. Etter spelarkarrieren har ho mellom anna vore keepertrenar for
aldersbestemte landslag og i Brann fram til 2023, og har lang fartstid frå
Bergen keeperskole. Reidun har UEFA A-lisens og UEFA keepertrenar A-lisens.

Her er landslagskeeperen avfotografert på eit fotballkort frå 1995 - like før VM som enda i gull.

Keepertreningar med verdsmeister

Ungdomsspelarane i fotballgruppa til Kvernbit sel for tida Kvernbit sin julekalender.

Om du får besøk av hyggelege ungdommar, håpar vi at du vil kjøpe ein kalender. Gjer du det, kan du vinne mange flotte premier, levert av lokale verksemder. Totalt 55 premiar å kjempe om.

Inntektene frå julekalendersalet går til å finansiere deltaking på Norway cup og Sør cup neste sommar.

Kalenderen kostar kr 130,- og betaling skjer via Vipps 130002, Kvernbit Fotball.

Frå 9. desember vil Kvernbit også stå for det tradisjonelle juletresalet på Frekhaug torg. Kjøp juletreet lokalt, og støtt barne- og ungdomsfotballen i Kvernbit, for den ekte julekjensla.

Anne Berit og Anne Lise stod for julestemninga i 2020. Foto: Ida Hartveit.

Jul hos Kvernbit 

Ivar Askeland frå IL Kvernbit er oppnemd som assistendommar til årets cupfinale.

NFF har oppnemd dommarteamet til årets cupfinale mellom Lillestrøm og Sarpsborg 08. Sivert Øknes Amland frå Fana IL leier cupfinalen, og får med seg Ivar Askeland frå IL Kvernbit og Aleksander Jæger frå Åssiden IF som assistentdommarar. Kristoffer Hagenes frå Hovding er VAR-dommar.

Ivar starta dommarkarrieren i Kvernbit. Han debuterte i 1. divisjon (adeccoligaen) i 2011, før han i 2017 fekk han sitt første oppdrag i eliteserien. Der har han vore fast inventar sidan 2018. Med meir enn 300 oppdrag på dei to øvste nivåa i norsk fotball, er Ivar blitt ein erfaren toppdommar.&nbsp;

Ærefullt oppdrag: Ivar dømmer cupfinalen

Fotballhallen er eit viktig samlingspunkt for både spelarar, trenarar, foreldre og frivillige gjennom heile veka. Her følgjer viktig informasjon om rydding i fotballhallen!

RYDDIG FOTBALLHALL:&nbsp;Birthe Ann Larsen og Sigrid Aalen Jacobsen triksar i fotballhallen. Foto: Ruben Soltvedt.

Fotballhallen er eit viktig samlingspunkt for både spelarar,
trenarar, foreldre og frivillige gjennom heile veka. Her trenar vi, spelar
kampar, heiar på kvarandre og byggjer lagånd. For at alle skal få ei god
oppleving i hallen, er det viktig at vi saman tek ansvar for å halde hallen
rein og ryddig. 

Kvifor er det viktig å halde hallen ryddig? 

Ein ryddig hall gir eit betre miljø for både aktivitet og
trivsel. Boss på tribunar, i garderobar eller rundt banen skapar ikkje berre
eit dårleg inntrykk – det kan også vere til hinder for aktivitet, og er potensielt
farleg. Når alle gjer sitt for å rydde etter seg, slepp vi å bruke unødvendige
ressursar på ekstra reinhald. Vi ønskjer at alle lag og besøkande skal kjenne
ansvar for å ta med seg eigne ting, kaste boss i bossbøtter og sjå etter at
garderobar og tribunar er reine når ein forlèt hallen. 

Alle bør ta mål av seg å forlate fotballhallen meir ryddig enn før du kom. Saman skapar vi eit trivelegare miljø!

For å sikre at hallen vert grundig rydda kvar veke, innfører
vi no ei fast dugnadsordning: Det laget som har kioskansvar i Meland Aktiv ei veke, har også
ansvar for rydding av hallen søndag mellom kl. 15.00 og 18.00.

Søndagsrutinar – rydding av fotballhall

Fotballhallen vart opna i 2019, og er svært populær og mykje brukt.&nbsp;

Hald fotballhallen rein – eit felles ansvar 

Det har vore ein tøff sesong for Kvernbit i 4. divisjon, men no er det klart for sesongens aller siste kamp – og kanskje tidenes comeback!&nbsp;

Alt skal avgjerast laurdag kl. 16:30, når Kvernbit tek imot Djerv heime. Det er mykje som må klaffe, men éin ting er sikkert: gutane treng all støtta dei kan få!

Dei har kjempa heile sesongen, og no fortener dei at heile bygda stiller opp. Ta med deg vener, familie og naboar – fyll tribuna, lag liv og støtt Kvernbit!&nbsp;

La oss vise kva Kvernbit-familien står for!

Alle til Fossemyra laurdag

Onsdag 1. oktober blir det klubbkveld med Sport 1 i kultursalen i Meland Aktiv fra klokken 17:00-20:00.

Her blir det utstilling av klubbkolleksjonen vår, og dere får mulighet til å prøve klærne på. 

Benytt sjansen til å bestille det dere trenger.

Klubbkveld onsdag

Kvernbit storma gjennom Mathopen – 10–0 på bortebane!

Fredag 19. september blei ein kveld for historiebøkene for Kvernbit. Eit lysproblem på Mathopen truga kampen, men etter ein kort biltur til Lyngbø sin bane var alt klart – dommar, lag og publikum kunne juble for grønt lys, og kampen starta klokka 20:00.

Frå første minutt var Kvernbit heilt tent. Mathopen sine raske spelarar fekk sjeldan sjansen til å puste.

Kvernbit stilte utan fleire sentrale spelarar som Tobias Verlo, Joachim Hopsdal, Kasper Hamn og Sondre Lædre, men det stoppa ikkje laget frå å dominere fullstendig.

Oliver Sudmann scora det fyrste målet etter ei perfekt corner frå Eirik Larsen – høgreiste midtstopparen var ustoppeleg i lufta. Litt før pause viste Andreas Larsen kvifor han er lagets motor: han sende Sjur Markhus Grindheim gjennom med ei utsøkt pasning, og Grindheim sette ballen roleg i mål. Kva spiste Sjuren til frukost denne dagen?

Rett etter pause fekk Sjur Markhus til eit av dei vakraste måla i år: frå langt utanfor sekstenmeteren lempa han ballen elegant i lengste kryss – keeperen kunne berre sjå ballen gå forbi.

Veteranen – eller kanskje «gubben» hos Kvernbit – hadde fullstendig kontroll på 4. divisjons toppscorar gjennom heile kampen.&nbsp;

Då byrja måla verkeleg å pøse inn: innbyttar Noah Samuelsen scora heile fire mål på berre ti minutt, og Tobias Ytreland fekk sin debut etter å ha imponert på trening.

Eirik Larsen og Andreas Sandvik vann alt som var av duellar gjennom heile kampen, og gjorde livet vanskeleg for motstandarane. Ingen veit enno kor mange gjennombruddspasningar vingbackane Mads Takvam og Kristian Henriksen slo til spissane Ruben Sellevold og Sjur Markhus Grindheim denne kvelden. Andreas Larsen hadde også fleire målgivande pasningar og var konstant ein fare for Mathopen-forsvaret.

Keeper Gard Tolleshaug hadde lite å gjere denne kvelden, noko som seier mykje om kor dominerande Kvernbit var – forsvaret og midtbanen gjorde ein fantastisk jobb med å kontrollere heile kampen.

Heile laget spelte som ein eining, frå første til siste minutt, og viste kvifor Kvernbit no er eitt av dei mest form sterke laga i 4. divisjon. Med 10–0 siger på bortebane og 10 poeng på 5 kampar, har laget vist at dei ikkje berre kan score mål – dei kan dominere kamp etter kamp.

Vebjørn Bø Dalstø fekk gult denne kampen for Kvernbit 

No ventar ein tøff bortekamp mot Nest-Sotra 26. september på Ågotnes.

Med kvite drakter, svarte shortsar og ein heimebane full av energi, gjekk Kvernbit ut for å forsvare æra mot Flaktveit. Etter 90 minutt med dramatikk og rå innsats enda det 2–2 – eit resultat som forsterkar inntrykket av eit Kvernbit-lag i flyt, no med tre strake kampar utan tap.

Oliver Sudmann gav dei kvitkledde ein pangstart med 1–0, men gjestane frå Flaktveit slo tilbake med hurtigheit og teknikk, og snudde kampen til 2–1. Likevel nekta Kvernbit å la seg knekke. På tampen av oppgjeret gjekk innbyttar Sjur Markhus fryktlaust i duell og skaffa straffespark. Kaptein og toppscorar Andreas Larsen tok ansvar og sette inn utlikning ved å lure keeperen feil veg.

Og det kunne blitt endå betre: rett før slutt fekk Noah Samuelsen ei enorm moglegheit til å avgjere kampen. Skotet vart derimot blokkert og susa like over mål – marginane stod ikkje på Kvernbit si side denne gongen.

Sjølv om Flaktveit hadde mange raske og gode ballspelarar, gjorde Kvernbit det vanskeleg for dei. Keeper Gard Tolleshaug stod igjen fram som ein av banens store profiler med fleire avgjerande redningar – inkludert ei strafferedning. Midtbanen la ned eit formidabelt stykke arbeid, og Kasper Hamn leverte som vanleg ein prestasjon av høg klasse.

Andreas Sandvik, Oliver Sudmann og Andreas Larsen fekk gult kort for Kvernbit i løpet av kampen.

Ein annan nøkkel var laget si breidde. Fleire innbyttarar kom inn og leverte viktige bidrag, og det seier mykje om kvaliteten i troppen at alle kan gå på bana og bidra når det trengst.

Med tre kampar utan tap veks sjølvtilliten i Kvernbit-leiren. Laget har igjen vist at dei kan stå imot sterke motstandarar – og at dei alltid spelar med hjartet utanpå drakta.

Kvernbit med dramatisk poeng på heimebane

Påmelding opnar&nbsp;måndag 8. september kl. 12:00.

IL Kvernbit vil i år arrangere TINE Fotballskule i haustferien, veke 41, frå måndag 6. oktober til torsdag 9. oktober. Fotballskulen er for gutar og jenter i 2.-7. klasse (f.2013-2018).

Fotballskulen kostar kr. 700. Vi tilbyr 50 % søskenmoderasjon. 

Påmeldinga opnar måndag 8. september kl. 12:00.&nbsp;Påmeldingsfrist er torsdag 2. oktober ved midnatt.

Vi oppmodar alle til&nbsp;å ete frukost før ankomst. Lunsj blir servert. Alle deltakarar får fotball, t-skjorte, drikkeflaske og sekk frå TINE. Sportsleg ansvar har Eirik Hopland Larsen og Oliver Sudmann.

11.30: Lunsj (inkl. Litago sjokolademjølk frå TINE).

Hugs drikkeflaske, leggskinn og klede etter vêret.

IL Kvernbit har oppretta eit fond som skal sikre at medlemmar med anstrengt økonomi får moglegheit til å vere med på aktivitetar i regi av idrettslaget. Medlemmane kan søke om støtte til påmeldingsavgift eller utstyr til bruk på fotballskulen. Du kan sende ein kortfatta søknad til&nbsp;<a href="mailto:trond.egil@kvernbit.no">trond.egil@kvernbit.no</a>. Alle søknadar blir behandla konfidensielt.

TINE Fotballskule i haustferien

Kvernbit synte både karakter og kvalitet då laget tok årets første bortesiger med 2–1 mot Askøy 2. 

Sigeren kom etter ein solid laginnsats, der eit ungt mannskap viste at dei både kan stå imot press og avgjere når sjansane byr seg. Berre tre spelarar i startellevaren var eldre enn 21 år, men det unge Kvernbit-laget leverte ei moden og gjennomført prestasjon.

Kampen starta forsiktig, og første omgang vart ein stillingskrig utan dei store sjansane. Kvernbit forsvarte seg godt og stod solid i struktur, men det vart lite å notere framfor mål. Til pause stod det 0–0.

Etter kvilen fekk kampen meir fart. I det 56. minuttet skapte Andreas Sandvik problem for Askøy-forsvaret og fann Joachim Hopsdal, som sette ballen sikkert i mål til 1–0 for Kvernbit. Gleda vart kortvarig, då Askøy 2 svara med ei utligning kort tid etterpå.

Kampen såg ut til å gå mot poengdeling, men åtte minutt før slutt viste Kvernbit kvalitet i angrep. Kasper Hamn spela ein presis ball i bakrom til Sandvik, som kontant sette inn 2–1 åleine med keeper. Dermed vart Sandvik både målscorar og servitør i oppgjeret – og den store spelaren på bana.

I tillegg til dei elleve som starta, kom også Christoffer Husebø, Mads Takvam, Sjur-Markus Grindheim og Marius Larsen inn og bidrog sterkt i sluttfasen. Friske bein og god innsats sørgde for at Kvernbit heldt stand og drog i land sigeren.

Med denne trepoengaren held Kvernbit fram med å klatre nærare laga over seg på tabellen, samstundes som laget skaffar seg ei luke ned til Askøy 2 som framleis ligg sist. Sigeren gjev både sjølvtillit og optimisme framfor neste oppgjer.

Allereie i neste runde ventar eit sterkt Flaktveit-lag på heimebane. Kampstart er fredag 12. september klokka 19:30 på Fossemyra.

Unge Kvernbit sikra viktig bortesiger mot Askøy 2

I samband med oppstart av ny årgang (2019), blir det nokre endringar i treningstidene.

Dei nye treningstidene gjeld frå måndag 8. september.

Ta godt vare på banane, og ver venleg å rydd etter kvar trening. Set mål på plass og samle inn ballar og anna utstyr, og plasser der dette høyrer til. Pass på at alle får med seg tøy og andre eigedelar. Det skal alltid vere litt ryddigare i fotballhallen når du forlèt den enn då du kom. Tusen takk!

Offisielle kampar blir alltid prioritert føre treningar.

Det er viktig at alle kampar og all bruk av banen avtalast med Trond Egil, på e-post: <a href="mailto:trond.egil@kvernbit.no">trond.egil@kvernbit.no</a>.

Nye treningstider for hausten

Første trening onsdag kl. 17:15 i fotballhallen.

IL Kvernbit ønsker alle som skal begynne i førsteklasse velkommen til fotballtrening hos oss.

Førre veke hadde vi eit informasjonsmøte for foreldre, der klubben gav informasjon om treningsforhold, treningstider og kva tilbodet inneber for førsteklassingane.

Treningstid er onsdagar kl. 17:15. Første trening er onsdag 10. september.

Aktiviteten i Kvernbit er dugnadsbasert. Ønsker du å bidra i støtteapparatet, ta kontakt allereie i dag på&nbsp;<a href="mailto:fotball@kvernbit.no">fotball@kvernbit.no</a>! Vi treng trenarar, lagleiarar og foreldrekontaktar. Vi oppmodar både kvinner og menn,&nbsp;spesielt kvinner, frå Grasdal og Sagstad skulekrinsar til å melde seg som trenar. Kvernbit ønsker å bygge opp&nbsp;<a href="https://www.kvernbit.no/news-article/A980A73401E64D40B906ACC426E1FEEF">eit sterkt miljø for kvinnelege trenarar</a>.

For å bli trenar i Kvernbit treng du ingen forkunnskapar. Du vil få god kursing og rettleiing, og mykje god kvalitetstid.

Som ein del av fotballfamilien blir du i tillegg ein del av eit sterkt fellesskap. Du utvider det sosiale nettverket ditt og får ny kompetanse og kunnskap. Bli med på laget, du òg!

Første fotballtrening for 2019-kullet

Det vart både festfotball og nervepirrande sluttminutt då Kvernbit tok imot Sund til seriekamp onsdag 20. august. Heimelaget vann til slutt 2–1 etter ein kamp som bød på alt frå perlemål til raudt kort og intenst sluttpress.&nbsp;Foto: Inge Instebø.

Kvernbit kom best i gang framfor eigne supportarar, og allereie tidleg i kampen fekk dei betalt for det gode opningsspelet. Joachim Hopsdal stanga inn 1–0 med ein presis heading etter eit godt slått innlegg frå Ruben Sellevold.

Midtvegs i første omgang var det nettopp Sellevold som stod for kveldens høgdepunkt. Med først ein tunnel og deretter eit praktfullt skot sende han ballen i nettet til 2–0 – eit mål som fort kan bli kandidat til årets scoring.

Sund fekk det endå vanskelegare då dei vart reduserte til ti mann etter ein utvisning i det 35. minuttet. Kvernbit skapte fleire sjansar før pause og kunne fort ha leia både 3–0 og 4–0, men laga gjekk til kvilen på stillinga 2–0.

Etter pause kom Sund meir med, og kampen tok ei dramatisk vending då gjestane vart tildelt straffespark. Den vart sikkert sett i mål til 2–1, og sjølv med ein mann mindre la Sund eit massivt press på Kvernbit i store delar av andre omgang.

Kvernbit måtte verkeleg krige for poenga, og bakerst stod keeper Gard Tolleshaug fram som ein matchvinnar med fleire avgjerande involveringar. Til slutt kunne heimelaget sleppe jubelen laus etter ein sterk 2–1-siger.

Med ein strålande førsteomgang og ein heroisk innsats i eiga boks etter pause, tok Kvernbit ein fortent siger og sikra haustens første trepoengar.

Kvernbit sigra 2–1 etter dramatisk kamp mot Sund

Det er berre kort tid igjen før årets&nbsp;Kvernbit&nbsp;cup&nbsp;brakar laus. Les årets&nbsp;<a target="_blank" href="https://online.fliphtml5.com/fzdrv/vcbx/#p=1">programblad</a>&nbsp;med viktig informasjon før ankomst.

Del gjerne informasjonen med foreldre på laget.

Vi set stor pris på om alle lag legg inn namn på spelarar før ankomst.

Velkommen til Kvernbit cup!

Kvernbit sitt A-herrar kasta seg inn i duellane, sprang til krampa nesten tok dei og skapte sjansar nok til å snu kampen – men måtte likevel reise tomhendte heim etter 3–0 mot NBK på&nbsp;Knarvik Stadion.

Foto: Nordhordland Avis av Ole Jacob Riise Strønen.

Frå første spark på ballen var det kriging over heile banen. Første omgang var tett, tøff og full av duellar, der Kvernbit for det meste forsvarte sitt eige mål. Heimelaget fekk hól på byllen etter 20 minutt, då NBK scora på ein corner. Resten av omgangen forsvarte Kvernbit seg heroisk, og laget gjekk til pause vel vitande om at kampen framleis levde.

Optimismen vart teken med inn i garderoben, og spelarane kom ut med trua på poeng. Men berre seks minutt ut i andre omgang – i det 51. minutt – steig ein NBK-spelar opp og dobla leiinga på nok ein corner. Ein blytung start, men på ingen måte slutten.

Kvernbit nekta å gje seg. Dei flytta laget høgare i bana, jaga mål og skapte sjansar som fort kunne ha gitt ny spenning i kampen. Fleire gonger var dei berre små marginar unna å setje inn reduseringa som ville tent håpet.

Mot slutten vart romma bak større i jakta på scoring, og i det 90. minutt nytta NBK dette og kontra inn 3–0. Eit flatterande resultat, sett med Kvernbit-auge, etter ein kamp der innsatsen og lagmoralen fortente betre betalt.

Kampen markerer starten på ein ny epoke for Kvernbit, med trenarteamet Steve Elde, Inge Instebø, Bent-Inge Sellevold, Geir Atle Osa og Eirik Sagstad på plass. Dei fekk sjå eit lag som aldri slutta å kjempe, som bar klubbens fargar med stoltheit og som med same innsats vil kunne snu pila alt neste veke.

For no ventar Sund på Fossemyrane onsdag 20. august. Der skal Kvernbit springe ut framfor eigne supporterar, med fornya energi og tru på at innsatsen denne gongen blir løna med mål – og poeng.

Heroisk innsats – men marginane mot Kvernbit i Knarvik

Påmelding åpner lørdag 23.08.2025 klokken 12:00 

Endeleg er påmelding til haustens turntreningar klar. Lørdag kl. 12:00 er det førstemann til mølla. Venteliste blir oppretta automatisk når dei ledige plassane er fylt opp.

<a href="https://club.spond.com/landing/courses/kvernbit/E87AA986B8FE421A96FBFED863438F03/main_products">Meld deg på her</a>.

Kvernbit tilbyr turn for ulike aldersgrupper.

Turn for gutar og jenter frå 2. til og med 4. klasse. Denne aldersgruppa er i ”den motoriske gullalder”, då barn tileignar seg ferdigheiter lettast. Barna har stor treningslyst og lærer lett det dei ser. Vi trener på tradisjonelle turn- og gymnastikkøvingar, som fiksering/stabilisering (spenne/stramme mage- og ryggmusklar), balanse og spenst. Det er også leikar og mykje moro. Vi ønsker å skape eit trygt, utfordrande og variert miljø, slik at barna får allsidig bevegelseserfaring.Vi har hausten 2025 berre eitt parti for denne aldersgruppa i Meland Aktiv. Om du vil vere med og starte eit nytt parti på Vestbygd, ta kontakt på&nbsp;<a href="mailto:turn@kvernbit.no">turn@kvernbit.no</a>.

Turn for gutar og jenter frå 5. klasse til 7. klasse. Vi jobbar vidare med Idrettens Grunnstige og SALTO. SALTO står for Sosialt, Allsidig, Lek, Turn og Oppvisning. Vi øver på grunnmoment og seriar på Tumbling/Air-Track og vi vil bruke trampetten.

Turn for gutar og jenter frå 8. klasse (12-13 år) og opptil 18 år. Vi jobbar vidare med Idrettens Grunnstige og SALTO. Vi øver på grunnmoment og seriar på Tumbling/Air-Track og vi vil bruke trampetten.

Treningar og arbeidet i turngruppa for å skape dette tilbodet for barn, gjerast på frivillig basis. Vi har behov for fleire trenere og fleire i turnstyret. Barn av foreldre som stiller til verv som trenere og i turnstyret vil derfor bli prioritert ved påmelding. Ta kontakt på&nbsp;<a href="mailto:turn@kvernbit.no">turn@kvernbit.no</a>&nbsp;om dette er av interesse.

Vil du begynne med turn?

Informasjonsmøte for førsteklasseforeldre onsdag 3. september 2025.

Vi startar med eit informasjonsmøte for foreldre&nbsp;onsdag 3. september kl. 17.30&nbsp;i kultursalen i Meland Aktiv.

Det er viktig at alle som har barn som ønsker å vere med, stiller på dette møtet. Her får de informasjon om treningsforhold, treningstider og kva tilbodet inneber for førsteklassingane.

Vil du begynne med fotball?

Bent-Inge Sellevold, Steve Elde og Geir-Atle Osa tar over a-laget etter Henning Neverdal og André Pletten.

NYTT STØTTEAPPARAT: F.v.: Inge Instebø, Geir-Atle Osa, Bengt-Inge Sellevold og Eirik Sagstad. Foto: Andreas Hopland Larsen.

Lørdag møter Kvernbit NBK i Knarvik, til det andre lokaloppgjeret i årets 4. divisjon menn. Over <a href="https://www.kvernbit.no/news-article/4C7017FE4C3D454B888EBA2946B53A52">1000 frammøtte skapte folkefest</a> på sidelinja på Fossemyra i april, men det sportslege resultatet var eit frampeik mot ein tøff førstesesong på nivå fem i norsk fotball, etter det<a href="https://www.kvernbit.no/news-article/A824610D5A57473C8AA48A8F47E31F50"> historiske opprykket</a> i fjor haust.

Henning Neverdal, som har vore a-lagstrenar sidan 2024, har denne veka valt å gi stafettpinnen vidare til nye krefter. Sjølv om han fortsatt var motivert for å gå på haustsesongen, følte han at det beste for klubben vil vere å få inn nye kostar.

André Pletten held fram som trenar for G19.

Henning forslo sjølv sine etterfølgarar, som vi no er glade for at har tatt på seg oppdraget. 

Inge Instebø held fram i ei viktig rolle rundt laget, og får i tillegg med Eirik Sagstad.

ELDPRØVE: Kaptein, Andreas Hopland Larsen, måtte brøyte seg gjennom folkemassene i heimekampen mot NBK. Det nye trenarapparatet møter NBK til lokaloppgjer i sin første kamp. Foto: Rune Eknes/Ruben Soltvedt.

At første eldprøva for dei nye trenarane blir NBK er kanskje passande. 

Bent-Inge kjenner NBK godt, som tidlegare a-trenar (og på aldersbestemt nivå) i NBK i fleire periodar. Han har også ei fortid i Radøy/Manger og Åsane, som spelar.

Steve Elde&nbsp;(bilde) er trenar for G16, og har følgt dette laget heilt sidan dette kullet starta med fotball i 2016. Steve har eit par år bak seg som sportsleg leiar i klubben, og har god oversikt over kva som rører seg i ungdomsavdelinga i Kvernbit.

Med seg får dei også Geir-Atle Osa. Geir-Atle har det siste halvanna året vore trenar for Radøy FK, men gav seg i den jobben i juli i år. Bent-Inge og Geir-Atle er dessutan gamle kjenningar, og danna trenarduo i NBK alt tilbake i 2010.

Dei nye trenarane hadde si første trening med laget onsdag kveld.

Henning Neverdal vart historisk då han førte Kvernbit opp ein divisjon i fjorårssesongen. Henning kom til Kvernbit frå Lindås i 2005, og allereie året etter tok han over - saman med Robert Blom - som spelande trenar. Han var lenge ein forsvarsbauta for a-laget. Han tok del i trenartrioen som skulle gjenoppbygge a-laget i 2012, og tok over hovudansvaret etter Robert Blom før 2024-sesongen. Den enda med eit <a href="https://www.kvernbit.no/news-article/A824610D5A57473C8AA48A8F47E31F50">historisk opprykk</a> for Kvernbit.

Henning var sportsleg leiar i perioden 2008-2016, og var sentral i å skrive sportsplanen, som også dagens sportsplan bygger på.

Henning har følgt 2005- og 2007-årgangane frå seks år og heilt opp til senior, og har med det stor del av talentutviklinga i klubben som har skjedd dei siste åra.

Kvernbit takkar Henning for innsatsen, og håpar på eit fortsatt sterkt engasjement for klubben.

OPPRYKK: Henning Neverdal, Inge Instebø og André Pletten førte a-laget til eit historisk opprykk i 2024. FOTO: Erlend Nordland Kristiansen/Strilen.

Trenarbytte før lokaloppgjer

Kvernbit har i vårsesongen enda på førsteplass på øvste nivået som er i juniorfotballen på både jenter 19 og gutar 19.&nbsp;Klubben gratulerer til alle involverte spelarar og trenarar! 

På Fossemyra jobbar vi målretta kvar dag med visjonen lengst mogeleg - flest mogeleg - best mogeleg. Kvernbit er i år einaste klubben med to J19-lag i J19-serien. Klubben er og eitt av få lag i Hordaland som har tre juniorlag i G19-serien. Kjekt å sjå at målretta arbeid av flinke trenarar og spelarar lønner seg. Det gror godt i Kvernbit på både jente- og gutesida!&nbsp;

Gutar 19 gjekk ubesigra gjennom vårsesongen, og enda med heile sju sigrar, tre uavgjort og null tap.&nbsp;

Jenter 19 fekk heile seks sigrar, éin uavgjort og eitt tap.

Til hausten ventar, i år som i fjor, interkretsserie for gutane, der dei beste juniorlaga frå Hordaland og Rogaland barkar saman. Dette vert spennande å følge til hausten.

Nede fra venstre: Benjamin, Ariel, Ulrik, Sjur-Markus, Hans Fredrik, Magnus og Eirik.

Øvst fra venstre: Marius, Jakob, Gard, Mathias, Adrian, Oliver, Jesper og Endre.

Klubben rettar stor takk til trenarteamet for gutar 19: Andre Pletten, Eirik Bremerthun, Kim Samuelsen, Per Asle Køhne og Davy Espetvedt.

Nede fra venstre: Sara (Keeper), Nora, Anna Isabell, Mathea, Eira, Mia og Hannah.

Øvst fra venstre: David (Hovedtrener), Silje, Malene, Jenny, Andrea, Annalisa, Kristina og Sofie.

Klubben rettar stor takk til trenarteamet for jenter: David Soltveit, Ove Henriksen og Tore Andre Fosse.

J14 og G13 har også vunne sin divisjon. Klubben gratulerer!

IL Kvernbit suveren i 19-årsklassane

Fotballhallen vert stengt mellom 30. juni og 4. august.&nbsp;

Alle er velkomne til å bruke kunstgrasbanane utandørs gjennom heile sommaren.&nbsp;

Kvernbit deltar på fleire turneringar i sommar. Følg med for oppdateringar i Kvernbit sine sosiale medium - og bidra gjerne sjølv på heiagjeng-sida <a href="https://www.facebook.com/groups/1702013043431532">Kvernbit fan</a>.

Fotballhallen stengt i sommar

Kvernbit skal vise seg frå sin beste side på tur i sommar. Lykke til på cup!

Kvernbit har i lang tid hatt søkelys på at vi skal vere ein klubb i forkant når det gjeld fair play. Derfor blei vi i 2021 kåra til årets Fair play-klubb i Hordaland, og vi har i fleire år vore sertifisert som fair play-klubb.

Fair play handlar&nbsp;om det som skjer på og utanfor banen, og er norma som skal prege aktiviteten vår på alle nivå. Dette inneber at vi respekterer og følgjer gjeldande regelverk, retningsliner og verdisett. Fotballarenaen er ein arena der vi skal ha respekt for alle menneske og forsterke fellesskapen. Fotballkampar skal gå føre seg i trygge rammer slik at alle får gode opplevingar. Fair play skal synleggjere korleis fotballen tar ein oppdragande rolle overfor barn og ungdom, og er grunnlaget for vårt omdømme og våre handlingar.

Fair Play&nbsp;er meir enn oppteljing av gule og røde kort etter endt cup.

Fair Play&nbsp;handlar om korleis vi oppfører oss mot kvarandre, både på og utanfor banen! Som føresatt, publikum, spelar, trenar og leiar har vi alle eit ansvar.&nbsp;Hugs at alle som er med på cup – både som spelar, trenar og føresett – blir sett på som Kvernbit sine representantar på turneringa.

Spelarar skal handhelse både før og etter kamp – eit uttrykk for gjensidig respekt.

Er du tilskodar på kamp? Ta ansvaret og tenk over følgande:

Sommarcup er årets høgdepunkt i sesongen, og IL Kvernbit ønsker trivsel og fellesskap i høgsetet når vi reiser på cup. Klubben har utarbeidd følgande retningsliner for speletid under sommarcup (Sør Cup og Dana Cup) for ungdomslaga:

Vi tar avstand frå mobbing, både i og utanfor fotballmiljøa. Fotballen skal vere ein positiv og trivselsfremjande aktivitet for alle.

Fargerik Fotball – mot vald og rasisme: Vi tolererer ingen form for rasisme eller vald i fotballen. Fotballen skal vere open og inkluderande for alle.

Spel fair! Vi skal saman sørge for at fotballen pregast av fair-spelande aktørar, både på og utanfor fotballbanen. Haldningane trenarar og spelarar har til medspelarar, motspelarar og ikkje minst dommarane, må bere preg av respekt og forståing i alle samanhengar.

Positiv oppførsel:&nbsp;Jeg tenker positivt om meg selv og andre.

Respekt:&nbsp;Jeg viser respekt for andre i klubben, trenere, dommere og motstandere.

Ansvar:&nbsp;Jeg tar ansvar for meg selv og andre på laget og gruppen jeg er med i.

Hensyn:&nbsp;Jeg viser hensyn, og bruker ikke doping eller andre rusmidler på arrangement i regi av klubben.

Ydmyk:&nbsp;Jeg lytter til andre og oppfører meg ikke egoistisk.

Språkbruk:&nbsp;Jeg passer på ordbruken min på og utenfor arenaen der jeg konkurrerer og trener.

Oppmuntrer:&nbsp;Jeg støtter og oppmuntrer mine trenere, ledere og kamerater,

Pålitelig:&nbsp;Jeg er en pålitelig person, som mine kamerater kan stole på.

Forbilde:&nbsp;Jeg er et godt forbilde for andre.

Vi ønsker alle trenarar, spelarar og føresette ein god tur til Voss Cup, Sør Cup og Dana Cup i sommar!

Fair play er eit samleomgrep for fotballen sitt samfunns- og verdiarbeid. Kvernbit er ein stor samfunnsaktør for barn og unge i Alver kommune, og har difor eit viktig samfunnsansvar. Vi tar dette ansvaret på alvor, og ønsker å bygge gode haldningar og verdiar i tråd med verdigrunnlaget til norsk idrett, til alle medlemmane i klubben. Klubbens verdiar og fair play skal prege all aktivitet i klubben. Gjennom arbeidet med kvalitetsklubb har vi derfor hatt stort fokus på å utarbeide eit felles verdisett som heile klubben kan stille seg bak.

Fair play i sommar

YRANDE FOLKELIV: Det var tett om plassen på Fossemyra denne magiske kvelden. Foto: Rune Eknes/Ruben Soltvedt.

Fredag kveld møttest Kvernbit og NBK i den første seriekampen i 4. divisjon. 

Det var i forkant av kampen mobilisert frå begge klubbar. NBK sendte to bussar med publikum, og mange kom med bil, sykkel eller til fots. Og med vårsol i bakkane og sydlege temperaturar, var det ein fin kveld for fotball.

Det offisielle publikumstalet var 853. Det reelle talet var langt høgare.

NBK vann kampen på banen. Kvernbit vann kampen utanfor banen.

<a href="https://www.fotball.no/fotballdata/kamp/?fiksId=8707939">Kampfakta</a>.

Sjå full biletserie frå lokalavisene, <a href="https://www.nordhordland.no/sja-bildeserie-desse-var-pa-fossemyra-pa-lokaloppgjeret/g/5-33-728398">Avisa Nordhordland</a> og <a href="https://www.strilen.no/sport/i/wgmppn/fansen-til-kvernbit-og-nbk-leverte-10-10-nbk-vann-kampen">Strilen</a>.

INNMARSJ: Kaptein, Andreas Hopland Larsen, måtte brøyte seg gjennom folkemassene. Foto: Rune Eknes/Ruben Soltvedt.

Kjøp årets juletre hos Kvernbit

Opningstider: